沖繩自駕遊 - Day 1

沖繩自駕遊 - Day 1

27/1/2015

我同 b so 原來己經四年無搭飛機去旅行. 呢個 blog 也幾年無旅行野 post 過了.

襯謙謙未讀 K1, 就一家人去旅行. 原本 plan 去台灣, 但發現去沖繩仲平, 加上日元又跌, 所以決定去沖繩自駕遊!!!!

今次呢個 trip, 謙謙故之言開心, 日日都話 "daddy, mummy, 我好開心呀". 但最開心的, 當然是我倆. 因為可以二十四小時陪住佢玩.

我相信兩歲半的小朋友去旅行, 將來未必記得. 雖然現在唔興玩blog. 所以我的blog近年也無乜人看  但籍著呢個 blog. 希望將來可為他和我倆帶來點點快樂的回憶.

今次去旅行和以往不同, 沒有特别去追求影好多靚相去豐富個 blog or FB, 也沒有特别的景點, 因為一家人一起己好滿足.

遊沖繩,  最理想的玩法當然是自駕, 因為景點多而散, 公路網簡單, 沿海路線又靚. 如果不自駕, 就只有巴士 or 那霸市內的單軌火車. 不過, 我見好多景點都不見巴士站. 就算有, 楂車點都快好多.

第一天行程:  香港 > 沖繩那霸市 > 酒店 > 新都心> 國際通 > 新都心 > 酒店

坐香港航空 11:10 班機

二個半小時話甘快就到, 謙謙好叻, 第一次坐飛機, 算乖算安靜.

到那霸機場, 一出大堂就見租車公司 OTS 的工作人員在等．集齊人後, 就出發到最近的OTS 臨空店拿車.

由機場到店拿車, OTS是 有專車接送的

OTS 的好處, 還有他們的普通話, 英文人, 溝通方便.

租車其實好簡單, 在網上選車, book baby car seat, 在網上一豪子也不需要. 早40日 book, 還有 discount (日本 website 才有)

今次租6日, 連安心保都是 16000 yen (HKD 1100), 超平!!!

沖繩幾個景點的門票, e.g. 水族館, 菠蘿園，水中展望塔也可在這裏買, 有 discount.

出去拿車了

今次租的,是 1300CC 的Honda FIT Hybrid. 比我楂開的2000cc 細, 我之前一直好膽心架車夠唔夠力,夠唔夠位.

其實,空間真的好夠.

GPS 也好易用, 因為是英文interface, 國語發聲. 目的地輸入係電話號碼 or mapcode

不過開頭GPS 儍儍地，亂叫我轉，在一條路，我至少見有三架OTS 車同我一齊U turn.

楂了半小時, 終於到位於市中心 - 國際通的JAL Hotel, 非常方便！

停車場 1000 yen 泊一晚, 地方小, 泊車也要雙層的.所以要工作人員代勞

Hotel 大堂也不差

巿中心, hotel 比較細, 但都ok

沿國際通這條購物大街,行去街尾單軌火車站去一個叫新都心的地方.

單軌火車, 坐兩個站要230 yen,都唔平.不過謙謙好鐘意坐火車,所以唔楂車去新都心了.

謙謙最開心就係呢個時刻, 坐單軌火車

到了目的地、在街食串小丸子先,好肚餓

其實新都心是一個區有好多shopping mall, 仲有好多名店和中國遊客. 而我地所行的, 都係玩具和小朋友野有關. 以下呢個叫 Apple town. 裡面有超大 ToysRus

行到甘上下,係時候食 dinner. 今餐食出名的石垣牛燒@國際通守禮，實在太好食

仲有日本仔同我地唱歌，謙謙又有得打鼓。

食完飯就到國際通行街街, 左面的一間叫激安之殿堂, 什麽奇怪野都有得賣, 仲係24小時！不過八點後，街好多鋪準備收。

明天離開那霸市啦

沖繩自駕遊 - Day 1

沖繩自駕遊 - Day 2

沖繩自駕遊 - Day 3

沖繩自駕遊 - Day 4

沖繩自駕遊 - Day 5

沖繩自駕遊 - Day 6