2016年1月18日 星期一

渣打馬拉松 2016

渣打馬拉松 2016


今年第10年玩渣馬, 第5年全馬 42 km.


尖沙咀 > 彌敦道> 亞皆老街> 西九幹線 >昂船洲大橋 > 青馬大橋 > 汀九大橋 > 長青隧道 > 葵涌 > 西九幹線 > 西隧 > 西上中環 > 灣仔 > 維園

轉了呢份工, 平日根本無時間練,下年都唔知仲跑唔跑.

天文台一早己講今日一定大雨, 大家在心理上, 裝備上己盡量準備, 跑步唔同行山, 落雨點都梗食, 因為不能太防水, 就算點透氣都會影響排汗, 雖然我都買左一件. 

4:45 am 起身, b so 煮愛心面

落街行出旺角, 路己封, 好多人己在橋上準備打氣. 天無雨wor.



呢d 場面, 除了佔中, 今次係第二次見.


6:45起步, 真係好玩野, 一吹哨子就下大雨




以下只能用文字形容

今年跑彌敦道, 個人感覺一般, 因為路窄人多, 轉出亞皆老街好少少, 因為會跑經屋企樓下, b so 7:00 己在樓下為我打氣, 好感動, 因為雨真的不细. 
 
 
屋企樓下
 

離開亞皆老街,竟然要轉出佐敦方向的三號幹線,要U turn 才能向北走。
雨未停過,全身基本上己濕透,天雨路滑,發現自己要比平常用多了腳力才能跑上昂船洲大橋。

入了長青隧道,心想不如脫下防水褸,但係一出隧道,所有人己大叫,落狗屎呀,好多人好似我甘,著返雨衣。

跑出隧道,天氣真的非常惡劣!非常大雨,非常大風!視野好低。此時開power gel 食都好論盡。

越跑越發覺大腿被雨水加風吹到好硬,好凍,心想,一定會好快抽筋。但唔理甘多,盡量keep 住個pacing。

上落青馬橋,真的要比平時用多了力去balance 返下雨的影響,一向可以快放下坡,但今天真的不敢。我一向視汀九橋折回點係回程開始,但今天好像跑極都未到,因為我等拿香蕉呀!

雨繼續落,終於過了半馬點,時間己比去了慢了,算啦。我現在目標,係要返去第二條長青隧道,因為這是唯一無雨的地方!

離開隧道,去茘景前進,雨收細了少少,但這兩年都無抽筋的我,竟然在此作抽,前所未有甘早,個頭竟然仲有失平衡的感覺,我真的不敢跑下去,入救護站休息了一陣,繼續上路,繼續找可避雨的天橋底。

其實呢刻,腳扳己出水泡,可能係下雨另到對襪增加了腳的磨擦,好很痛呀,我唔記得楂花士令呀!

終於去到西隧,出返來時,我見人人對天大叫,藍天呀!吹脹嗎?!

望錶,己超過了去年4小時30分的時間,現在所想的,只想快些跑回終點抱下個仔!到了銅鑼灣電車路,兩旁人羣熱烈地叫加油,仲有一名女士話,快d比個5我,加油,捱埋佢!我真的有力跑回終點!







呢個牌,真的真的不容易攞!
以上我的文字,可能要一起在今年那條甘既跑道上跑過才有共嗚!今年大家辛苦了。最開心係,謙謙今日學識一組新字,就是馬拉松!

6 則留言:

  1. 去到尾有人打氣真係非常有用...無力都即刻"鉢"番醒自己...P.S.出年半馬..咪得囉..HEEE

    回覆刪除