渣打馬拉松 2009

一年一度的渣馬又在 8/2/09 舉行了。

今年天氣又濕又熱, 未跑已知辛苦了, 加上腳患未好, 所以無諗過成績會有什麽突破。

我參加的是半馬 (21.0975 km), 今年第二年了。

路線: 尖沙咀 -> 三號幹線 -> 荔景折返 -> 三號幹線 -> 西隧 -> 西,上,中環-> 灣仔-> 維園

起跑: 7:10 am

以下又係D手機相:

5 點幾起身, 早上到尖沙咀行來行去, 先放行李

再排隊放低D, 好多人, 排了好耐

 

未開跑已經身水身汗, 點跑呀!!!

 

這是早我20分鐘起步 (6:50am), 都好鬼多人, 我跑第二組

 尖沙咀起步, 真係好有氣氛!!

 

今年沿途無影相, 大家可看看去年的 渣打馬拉松2008 之半條馬毛

今日真係好熱好濕, 比上次辛苦呀

去到 10km 時, around 00:59,  好口乾, 又肚餓, 要開 Power gel 食了, 再加速。 (下年 e個位要再快 D)

最辛苦的, 梗係西隧啦, 裡面好似無空氣甘, 又熱,又無風, 又多人, 又勁上斜, 仲有好强勁的汗味 tim !!

(西隧內, 有個為大家加油的女工作人員, 話拍吹氣捧捧拍到好累, 我反而向佢叫番加油!!! 好多謝大會的工作人員, 企西隧, 好慘! )

去到會展, 隻腳開始來料, 左腳波蘿蓋下面又痛了, 右腳又閃 (小抽), 要放慢跑了。

銅鑼灣鬧市內想加速番啦, 隻腳又來, 今次要停在 Sogo 門口拉筋, "仲有 500m ja, 跑埋佢啦", 我同隻腳講。

今次己經沿途狂隊 Iso tone (飲到跑完肚痛 ), 但今日真係太熱, 補唔夠水, 我估全馬D人仲慘呀!!

 

B So 影的 (維園)

b so 跑 10k, 佢話唔出 blog, 張相放呢道

 

 

跑完

(以上相片切勿轉載)

 

今次成績比上次快了3分幾鐘, 但都比預計慢了差不多5 分鐘呀.... (希望下年再有進步啦, 再努力練習)