貓b, 是我一隻養了18年的貓的名字。
這18年來，你比了很多珍貴的東西比我，包括我在山友的花名，頭像，Blog 等等, 正如人貓合一。
18年前，因為想養一些能長期養的寵物，唔以兔甘難養，又唔比養狗。還記得當日在寵物店，呢隻貓仔爬在 我身上係甘錫，結果就買了三個月大的貓b返來。點解叫貓b? 因為有一次在大埔一間寵物店，有隻貓仔，我問老闆，佢叫乜名，店主話，佢咪叫貓 b law. 但最後在旺角買的，因為隻貓似大埔果隻，所以我叫佢貓b.
細個貓b都幾百厭下，梳化比佢抓爛，又成日玩撲擊，一個乒乓波可以玩好耐，令到生活增添不少趣味。
佢好痴我的，一在我身上就吾會走，仲咕嚕咕嚕地煲水
一直無病無痛的貓b, 直至2016年尾。來了一場大病，在SPCA 話係肝cancer,但要開刀才能confirm. 我地當然唔肯。結果同事介紹了在中環的9lives 的貓專家，驗出胰臟炎，腎衰竭，日日打皮下水、竟令貓b穩定下來。
去年我媽媽走後一個月、貓b又大病一場，痾血尿，唔食。一直好擔心會去陪我媽媽，最後又捱過左。之後還肥仔返，跳上跳落。
兩星期前，貓b又同去年一樣，不斷找地方躲起來，加埋失禁。和以往一樣，立即帶去留院，不過今年一留就留院四日，情況沒有大起息。最後醫生的意見係 “Better to stay with you”，結果，我就帶貓b仔回家了。
回家，是希望他在熟悉的地方過埋餘下日子。也希望他能捱過呢關。但最大問題佢吾肯食和飲，唯有 force eating. 我的手勢可能麻麻，結果佢咀都損埋。甘我就早晚迫餵濕糧，總算吞下，但佢一定好辛苦了。
19/9， 見貓b真的好辛苦，完全失禁，打橫訓了係道，行唔到，再三考慮下，我就想佢有尊嚴地走，決定打針讓佢舒服離開⋯
果晚在上門獸醫未到之前，突然見貓b一拐一拐行過來找我, 好像話我知, 佢未放棄。所以我已經好後悔叫醫生來。
好快醫生來了、和貓b做了幾個testing , 神經反應等，話貓b吾想死住。還教我地比咩佢食，按摩，話如果48 小時後未走，就whatsapp 佢, 過到呢48 小時, 有可能留多幾星期。當然最後也希望佢能自己走。
好快醫生來了、和貓b做了幾個testi
可惜，在星期五21/9 的12:30， 貓b在懷中與世長辭⋯
貓b, 你和嫲嫲都是生命鬥士！我以你為榮。你現在去陪嫲嫲，最終有一天，大家會在天家重聚。
以下係18年的相片
童年的貓B (3個月)
為食貓
一有貓就發神經
貓B , 下星期日與你最後告別
